2015 jylǵy 26 aqpan, Astana qalasy
Tabıǵı mekendeý ortasynan alynǵan bekire tuqymdas balyqtardy jáne olardyń ýyldyryǵyn memlekettik monopolııa sýbektisi bolyp tabylatyn memlekettik kásiporynnyń ótkizý qaǵıdalaryn bekitý týraly
«Janýarlar dúnıesin qorǵaý, ósimin molaıtý jáne paıdalaný týraly» Qazaqstan Respýblıkasynyń 2004 jylǵy 9 shildedegi Zańynyń 9-baby 1-tarmaǵynyń 47) tarmaqshasyna sáıkes buıyramyn:
1. Qosa berilip otyrǵan Tabıǵı mekendeý ortasynan alynǵan bekire tuqymdas balyqtardy jáne olardyń ýyldyryǵyn memlekettik monopolııa sýbektisi bolyp tabylatyn memlekettik kásiporynnyń ótkizý qaǵıdalary bekitilsin.
2. Qazaqstan Respýblıkasy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıteti zańnamada belgilengen tártipte:
1) Qazaqstan Respýblıkasynyń Ádilet mınıstrliginde osy buıryqtyń memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqty Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrýyn qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Aýyl sharýashylyǵy mınıstrliginiń jetekshilik etetin vıse-mınıstrine júktelsin.
4. Osy buıryq alǵashqy resmı jarııalanǵan kúninen bastap on kúntizbelik kún ótken soń qoldanysqa engiziledi.
Qazaqstan Respýblıkasy Aýyl sharýashylyǵy mınıstriniń mindetin atqarýshy S.OMAROV
«KELISILDI»
Qazaqstan Respýblıkasy Ulttyq ekonomıka mınıstri
_________________ E.DOSAEV
2015 jylǵy 21 naýryz
Qazaqstan Respýblıkasy Aýyl sharýashylyǵy mınıstri mindetin atqarýshynyń 2015 jylǵy 26 aqpandaǵy
№ 18-05/138 buıryǵymen bekitilgen
Tabıǵı mekendeý ortasynan alynǵan bekire tuqymdas balyqtardy jáne
olardyń ýyldyryǵyn memlekettik monopolııa sýbektisi bolyp tabylatyn memlekettik
kásiporynnyń ótkizý qaǵıdalary
1. Jalpy erejeler
1. Osy Tabıǵı mekendeý ortasynan alynǵan bekire tuqymdas balyqtardy jáne olardyń ýyldyryǵyn memlekettik monopolııa sýbektisi bolyp tabylatyn memlekettik kásiporynnyń ótkizý qaǵıdalary «Janýarlar dúnıesin qorǵaý, ósimin molaıtý jáne paıdalaný týraly» Qazaqstan Respýblıkasynyń 2004 jylǵy 9 shildedegi Zańynyń (budan ári – Zań) 9-baby 1-tarmaǵynyń 47) tarmaqshasyna sáıkes ázirlengen jáne tabıǵı mekendeý ortasynan alynǵan bekire tuqymdas balyqtar men olardyń ýyldyryǵyn (budan ári - ónim) memlekettik monopolııa sýbektisi bolyp tabylatyn memlekettik kásiporynnyń (budan ári – Sýbekt) Qazaqstan Respýblıkasynyń syrtqy jáne ishki naryǵyna ótkizý tártibin anyqtaıdy.
2. О́nimdi ótkizý tártibi
2. О́tkizýge usynylatyn ónimniń túr-túrin Sýbekt júzege asyratyn qyzmetiniń baǵytyna sáıkes derbes aıqyndaıdy.
3. Sýbektige ónimdi daıyndaý, saqtaý jáne ótkizý jónindegi qyzmetti júzege asyrý kezinde «Veterınarııa týraly» Qazaqstan Respýblıkasynyń 2002 jylǵy 10 shildedegi Zańynyń 8-babynyń 32) tarmaqshasyna sáıkes (budan ári – Veterınarııa týraly zań) esepke alý nómiri beriledi.
4. О́nimdi ótkizý kezinde Sýbekt ónimniń talaptarǵa sáıkestigin rastaý týraly aqparatty satyp alýshynyń nazaryna jetkizedi jáne tutynýshyǵa onyń talap etýi boıynsha Veterınarııa týraly zańynyń 8-babynyń 46-4) tarmaqshasyna sáıkes ónimniń qaýipsizdigi týraly veterınarııalyq sertıfıkat jáne «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 62-babynyń 2-tarmaǵyna sáıkes sanıtarııalyq-epıdemıologııalyq qorytyndy beredi.
5. Zat belgilerde, qosymsha paraqtarda jáne orama materıaldarynyń stıkerlerinde ónimniń túrleri eskerile otyryp, memlekettik jáne orys tilderinde:
1) ataýy, salmaǵy, bir kılogramynyń nemese bir birliginiń baǵasy týraly;
2) ónimniń taǵamdyq qundylyǵy (qunarlylyǵy, quramyndaǵy aq ýyz, maı, kómirtekter) týraly;
3) daıyn ónimdi ázirleý tásilderi men sharttary (tamaq ónimderiniń konservanttary men jartylaı fabrıkattary úshin) týraly;
4) saqtaý sharttary men merzimderi, sondaı-aq jaramdylyq merzimderi týraly;
5) ónimniń daıyndalǵan kúni men oralǵan kúni týraly;
6) ónimniń quramy týraly málimetter kórsetiledi.
6. Ýákiletti organ Zańnyń 11-1-babynyń 5-tarmaǵyna sáıkes Sýbekt monopolııaǵa qarsy organmen kelisimdeý boıynsha ótkizetin ónimniń baǵasyn belgileıdi.
7. О́nimdi ótkizý taýarlyq-kóliktik júk qujattary boıynsha Sýbektiniń qoımasynan ǵana júrgiziledi.
8. О́nimdi Sýbektiden satyp alǵan jeke jáne zańdy tulǵalardyń ony odan ári qaıta óńdeý men ótkizýdi derbes júzege asyrýǵa quqyǵy bar.
9. Ishki jáne syrtqy naryqtarda bekire tuqymdas balyq túrleriniń ýyldyryǵyn satý úshin tańbalaý Zańynyń 9-baby 1-tarmaǵynyń 22) tarmaqshasyna sáıkes júzege asyrylady.
10. О́nimdi Qazaqstan Respýblıkasynan tysqary jerlerge shyǵarýǵa ruqsat Zańynyń 9-baby 1-tarmaǵynyń 52) tarmaqshasyna sáıkes beriledi.
11. Tiri kúıinde bekire tuqymdas balyq túrlerin, olardyń uryqtandyrylǵan ýyldyryǵyn (býdandastyrylǵan túrlerin qospaǵanda) Qazaqstan Respýblıkasynan tysqary jerlerge ótkizý Qazaqstan Respýblıkasy Úkimetiniń sheshimimen júzege asyrylady.
Buıryq Qazaqstan Respýblıkasynyń Ádilet mınıstrliginde 2015 jylǵy 29 sáýirdegi Normatıvtik quqyqtyq kesimderdi memlekettik tirkeýdiń tizilimine №10867 bolyp engizildi.